DhiMinivan

ޔޮޓްޓުއާސްއާއި އެމްޓީޑީސީއާ ދެމެދު ހިގަމުންދާ ކޯޅުންގަނޑުގައި ޖެހިފައި ތިބި ޔޮޓްޓުއާސްގެ ނުވަ ބިދޭސީން މާދަމާ އެރަށުން ފޮނުވާލުމުން ދެން ހެރެތެރޭގައި ޔޮޓްޓުއާސްގެ އެއްވެސް މުވައްޒަފަކު ނުތިބޭނެ ކަމަށް އެމްޓީޑީސީން ބުނެފިއެވެ.

އެމްޓީޑީސީގެ މެނޭޖަރ އޮޕަރޭޝަންސް އެންޑް ޑިވަލޮޕްމެންޓް އަހުމަދު ނިޔާޒް ވިދާޅުވީ، ހެރެތެރޭގައި ތިބި ޔޮޓްޓުއާސްގެ ސަތޭކަ އެއް ބިދޭސިންގެ ތެރެއިން މިހާރު އެރަށުން ފޮނުވާނުލެވި ބާކީ ތިބީ އެންމެ ނުވަ ބިދޭސީންކަމަށެވެ. އަދި އެމީހުން މާދަމާ މާލެއަށް ފޮނުވާލާނެ ކަމަށާއި އެމީހުން ދިއުމުން އެރަށުގައި ޔޮޓްޓުއާސްގެ އެއްވެސް މުއައްޒަފަކު ނުތިބޭނެކަމަށް އޭނާ ވިދާޅުވިއެވެ.